ماركيز .. 97 .. فل كامل .. نظيف

مرحبا بالجميع أعرض لكم سيارتي اليوم من نوع فورد جراند ماركيز أفضل موديل جربه الكثير 97 أمريكي هيدروليك ( موجود ) ومركب لها يايات أصلي وما يحتاج واللي يبي يركب الهيدروليك جميع أموره سليمة بس يركب البالونات ( موجودة البالونات للعلم ) . اللون .. زيتي مرشوش رش تجميلي بدون حوادث كبيرة . في تبهيت في التندة والشنطة بسبب الشمس . الممشى .. 671 ألف ملاحظة ( تم تغيير المكينة مع المالك السابق ومشى عليها حول 150 ألف وممشاها قبل يغير المكينة كان 400 ألف ) والمكينة شرط عالفحص والقير تم تغييره قبل فترة ومن أفضل ما يكون عالشرط . والموديل يحكمك . المواصفات المعروفة فل كامل مراتب جلد مكيف لمس مثبت سرعة ( يحتاج تغيير شريحة الدركسون قيمتها بالتشليح 100 ريال وكالة ) . اسيات كهرباء للمقاعد الأمامية تعتيم المرايا الوسطية قزاز وأبواب كهرباء جنوط خلية وكالة شكمانين مرايات جانبية كهرباء لوحة شبه مميزة الأمامية طويلة . تخشيبة لكامل الابواب وللدركسون . عمل صيانة للتالي فيها قبل أيام : تم تصليح مبرد القير وتغيير الليات لأنه كان في تهريب . تم لحام الردي

تر لأنه كان في تنسيم خفيف وتغيير الماء مقطر جديد والآن عال العال . تم تغيير الزيت والسيفون . تم تركيب مسجل ( USB - AUX ) . تم تغيير روس الشكمانات مع الفلنجات وكالة من التشليح لكي تحافظ المكينة على هدوءها . تم تركيب عدسات زنون ألماني أصلي للواطي وزنون للعالي ألماني . الأرضية ملبسة والداخلية نظيفة ولله الحمد . فيها تندية خفيفة بوجه الكارتير تكلفة تصليحه بغيار زيت اصلي للقير في حال تم فكه لاتكلف 400 ريال شغل وكالة . السيارة للأمانة نظيفة ومهتم فيها . وأخذتها من زميل بالدمام ومهتم فيها . توني مسافر عليها الأفلاج والدمام والسيارة روعة وراسية وهدوء ولا ازعاج ولاقربعة في الخط . الأوراق كاملة جديدة اللي بيشتريها بيدعي لنا ان شاء الله الموتر انسام قبل يومين بحراج الشفا 6 آلاف وموبعيد للصامل ان شاء الله .