لكزس هايلوكس كامري

، أسعد الله أوقاتكم بكل خير ... حبايب قلبي وروحي ، حبيت أوضح عدة نقاط من هذا الإعلان لكم ، في الآونة الأخيرة للأسف صارت أغلب الإعلانات لا ذمة ولا ضمير ، يأتي شخص ينزل إعلان ويضع سومة من راسه !!! سومة عشان من يفرق السومة يقول له : نصيبك !! الضحية مين ؟؟؟؟ >>>>>> الضحية هو الشخص الطيب اللي على نياته يدور له موتر وجامع قروشه له مدة ولا يعرف أسعارها الحقيقية !!! يارجال والله شفت إعلانات حتى المريض النفسي مستحيل ينزلها !!! لكزس أو هايلوكس أو كامري أو أي موتر كلها موديلات قديمة وقيمتها لو تزود عليها شوي تشري موديل أحدث !!! حبايب قلبي ، الطريقة المعمولة بها من قبل البعض ولا أعمم طبعا ، يودي السيارة لمحل تلميع >>>> تلميع داخلي + خارجي + تلميع المكينة = حول 500 ريال بعدها ياخذ لها صور ولا في الأحلام ! ويعرضها ويقول سيمت بكذا وبالأساس ماسيمت ! للأسف اللي خلاني أتكلم في هذا الموضوع إن فيه ناس كثير إتنصب عليهم وإشتروا مواتر ماتسوى اللي دفع فيها + طلعت أعطال ميكانيكية مالله به عليم ! إذا ما الحل ؟؟؟؟؟؟ تبي تشتري سيارة

وماتعرف فيها شيء ولا أسعارها إسأل ترى مو عيب ... والأهم إذا مالك قدرة تشتري وكالة ، روح بنفسك للمعارض ودور الأشخاص اللي واضح عليهم جايين من خارج المعارض " مو شريطية ولا اللي طاق لي شماغ وثوب وهو .......... ؟! فاهمين قصدي بعضهم من جنسية معروفة جاي بالسيارة وهو شغال مع شريطي ، ووجه الشريطي معروف سبحان الله إلا تلقى معالم خساسة على وجهه ، والأهم إذا عجبك موتر لازم تروح لمركز فحص انت عارفه مو من اختيار صاحب السيارة ! لأن بعض الشريطية يعرف صاحب مركز الفحص ومن هالقبيل ، الله يرزقكم ماتحبون ...