كاسكو صيد كبتن مليان كلام

(( أذكروا الله و صلوا على رسول الله سيدنا محمد صلى الله عليه وسلم )) ارجو قراءة الإعلان جيدا قبل السوم - بيانات العرض النوع : كاسكو صيد بدون حجل . الحجم : سوبر سوبر جامبو وصدر مليان ريش الجناح والذيل كامل نظيف بدون أي تكسير في الريش ما شاء الله اسم الطير: شادي . العمر : تقريبا خمسه سنوات او اكثر والله اعلم. الجنس : الله اعلم . الحجل : لا يوجد حجل الولافة : غير اليف معي ياما اكلت عضات منه لكن مع الاهل اليف شخصيته جداً قوية . ملاحظة : الطير داخل القفص جدا طبيعي يتسلق واموره طيبه لكن يخرج برى القفص فيله عرجه خفيفة لمن يمشي على الارض ماهي واضحة واظنها إعاقة خلقية بس ماهي مؤثره عليه في مشيته ولا هي واضحة الا لمن تركز عليه وصحته ما شاء الله عالي العال الحمد لله نجي للكلام : عنده جمل ومفردات والطير جريء ومتكلم في الوجه وصوت جهوري يقلد صوت الرجال والنساء والأطفال . سورة الإخلاص كاملة بداية من مره يجيبها كاملة ومرات يلخبط فيها مرات بصوت خشن ومرات بصوت ناعم والاغلب بصوت خشن والطير ما شاء يصلي يكبر يقول الله اكبر ويسجد ينزل راسه تحت مع التكبير ويرفع راسه

مع التكبير يقول ( ) يقول (لا اله الا الله ) يقول (الله اكبر) يقول (صباح الخير) لمن تجي تطفي النور وقت النوم يقول (يلا باي) ويقول (مع السلامة) حتى وانت خارج من البيت بمجرد يشوفك غيرت ملابسك على طول يقول يلا باي مع السلامة الين ما تخرج من اليت لمن ينزل من المجثم على أرضية القفص يقول ( يا الله ) يقلد كبار السن يقلد صوت العطاس يقلد صوت الكحة يقلد صوت القط الصغير ويقلد صوت القط البالغ ويقلد صوت مضاربة القطط يقلد صوت الضحك بكذا صوت مره مع الكحة وبكذا طريقة يقول (خالد) (رائد) (ناني) (وليد) (يوسف) (شادي) (عبودي ) يقلد صوت دق الباب ويقول مين يقول (ايش تبغى) و يقول (مين) يقلد صوت خرير الماء وصوت فتحة الباب وصوت قفلت الباب بالمفتاح وكثير اكلت المقلب منه . ويشكل في التصفير ويتفنن فيها . وعنده نغمات الجوال و بمجرد ما يسمع الجوال يقول (الو) ويسولف في الكلام كلمة ( يواااد ) يجيبها بكذا طريقة ومرات يمد فيها تحس انه آدمي الي يتكلم ماشاء الله كلمة ( ها ) لمن تنادي عليه باسمه او تتكلم معاه يقول (ها) ومرات يقول (نعم) يقول ( ايش تقول ) ويقول (ايش تبغى ) وعنده كلمة ( هايس ) و كلمة ( ولد ) يقول (ليش تسوي كذا) ويقول ( يا عسل ) كلمة ( يا حلو ) كلمة ( يا قمر ) كلمة (يا هووو) ويميع في الكلام مرات بدلع ومرات بجديه الطير جدا ذكي يقول ( هات راسك ) ويقول ( اعطيني بوسة ) ويقول (هات بوسة) تقوله هات بوسه يعطيك بوسه بالصوت عنده كلمة ( يا وصخ ) ويقول ( يلا قوم) يقول ( يلا تعال تعال ) ويقول ( هلا والله ) يرقص ويهز راسه ويطقطق ويقول هلا هلا يقول ( اسكت ) ومره يقول اصصص كلمة (خلاص) ويقول (اجلس عاقل ) ويقول (شاطر حبيبي ) و مره يقول ( شاطر) عنده ( ) و ( عليكم السلام ورحمة الله ) ويقول (كيف الحال) و (طيب) وبعض الأحيان يعمل حوار بصوتين بنفس الوقت مره رجال ومره حرمه وعنده كلمات كثيره ماهي واضحة بحكم انه بعيد عني لمن يتكلم وجمل ما تحضرني ما شاء الله يلقط الكلام في بعض الأحيان يومين ويعيد الكلمة وبعض الأحيان في يوم واحد ويعيد الكلمة وبعض الأحيان يجيبها في نفس الوقت . وللمعلومية الطير ما كمل سنة معي وما شاء الله كان عندي ثلاثة طيور واحد امزوني واثنين كاسكو كلهم تعلموا منه كم كلمة. السعر : على السوم ان ما جاب سعره مكانه محفوظ الملحقات: قفص كاسكو الموقع : جده التوصيل : علي المشتري وبمعرفته . والسوم للصامل برسالة على العام مع رقم الجوال للمصداقية وكل ما ذكر سمعتها بإذني والله على ما اقول شهيد . وعلى كلام راعيه الأول يقول عنده سورة الكوثر والناس لكن ما اشرطها لأني ما سمعتها منه . بالنسبة لكلام الطير موجود مقاطع لبعض كلامه وأيضا وهو يصلي في القفص واعذروني يا جماعة الخير لن ارسل أي مقطع الا بعد سماع السومة الطيبة ورجاءً وبدون احراج لايجيني واحد يشتري الطير وبعد كم يوم يرجعه من الان عينك ميزانك قلب وشوف الطير بنفسك قبل ماتاخذه تذكر قول الله تعالى (( وَلَا تَبْخَسُوا النَّاسَ أَشْيَاءَهُمْ )) صدق الله العظيم وتذكر (لسانك حصانك ان هنته هانك وان صنته صانك) ( البيع لأعلى سومه ) اذكر نفسي والجميع بذكر الله في كل ما يعجبك